Офіс Ціханоўскай абмеркаваў з прадстаўнікамі МЗС Польшчы сітуацыю з беларускімі ўцекачамі

Коратка аб тым, што абмяркоўвалася:

  • Польскі бок падкрэсліў, што беларусаў праз 15 дзён пасля прыбыцця не будуць дэпартаваць з Польшчы. Але важна, каб усе, хто прыбыў, праактыўна вырашалі пытанні з дакументамі і займаліся легалізацыяй у краіне. Офіс нагадвае, што па пытаннях легалізацыі можна звяртацца ў Цэнтр беларускай салідарнасці і Беларускі Дом у Варшаве.
  • МЗС Польшчы атрымаў і прыняў да ўвагі ліст, у якім Офіс Ціханоўскай падтрымаў папраўкі ў законапраект, што дазваляюць беларусам з Украіны жыць і працаваць у Польшчы, як і ўкраінскім уцекачам. Сёння галасаванне па прапановах да закона аб дапамозе грамадзянам Украіны будзе праведзена ў польскім Сенаце.
  • Польскі ўрад адсочвае пытанні дыскрымінацыі і раздзяляе дзеянні нелегітымнай улады і беларускага народа. Яны лічаць недапушчальнай дыскрымінацыю ўсіх, хто бег ад вайны ва Украіне ў Польшчу, а таксама рэпрэсаваных беларусаў, якія жывуць у Польшчы.

11 сакавіка 2022 в 16:06