Спецпрадстаўнік Ціханоўскай па выбарах Аляксандр Шлык выступіў на Zero Corruption Conference. У яго панэлі аб выбарах і ўстойлівасці дэмакратыі ўдзельнічалі Кенет Волак (кіраўнік NED), Аліна Загаруйка (дэпутатка Рады Украіны), Пітэр Эрбен (дырэктар IFES ва Украіне). Мадэратарка: Вольга Айвазоўская (кіраўніца грамадзянскай сеткі Апора, Украіна).
У сваім выступе Аляксандр Шлык падкрэсліў, што беларусы шукаюць выключна мірны спосаб вырашыць крызіс, якія склаўся, – такім рашэннем могуць быць толькі новыя сумленныя выбары. Адказваючы на пытанні, Аляксандр адзначыў, што беларусы ўдзелам у выбарах 2020 года ўжо паказалі сваю прыхільнасць ідэалам дэмакратыі, а ў краіне дастаткова прафесіяналаў, каб годна правесці новыя выбары.
Раней Аляксандр Шлык падрыхтаваў 4 палажэнні аб тым, як правесці новыя выбары:
– Праект палажэння аб фармаванні выбарчых камісій.
– Праект палажэння аб зборы і праверцы подпісаў.
– Праект пастановы аб працы назіральнікаў на выбарах.
– Праект пастановы аб падліку галасоў на выбарах.
1-2 чэрвеня адбылася Міжнародная канферэнцыя «Дэмакратычныя выбары для вырашэння крызісу ў Беларусі», якую мадэраваў Шлык. У ёй прынялі прынялі ўдзел віцэ-прэзідэнт Еўрапарламента, кіраўнік ПА АБСЕ і іншыя замежныя і беларускія эксперты. Яны абмеркавалі, якія кароткатэрміновыя і доўгатэрміновыя рэформы выбарчага кодэксу патрэбныя ў нашай краіне і як правесці датэрміновыя выбары прэзідэнта Беларусі.
