«Абвінавачванні Сяргею – гэта не суд, а расправа. Суддзям, следчым і пракурорам, якія збіралі гэтую справу, хачу сказаць: я разумею, што пры тым рэжыме вы ўжо нічога не вырашаеце. Але вашымі рукамі зараз робяць асабістую помсту – помсту чалавеку, які стаў сапраўдным лідарам беларусаў.
Сяргей не здаецца і не здасца. Ён ведае, што беларусы працягваюць барацьбу, і разумее, што ўсе, хто прайшоў праз палітычныя прысуды і пераслед, будуць рэабілітаваныя. Сяргей перадае пасланні нашым дзецям, піша сцэнары для фільмаў пра Беларусь і застаецца свабодным духам чалавекам у любых умовах. Я ведаю: ён хоча, каб мы не спыняліся. І мы не спынімся, пакуль не даб'емся вызвалення ўсіх палітвязняў».
