Учора, 23 траўні, юрфак БДУ апублікаваў «пакаянное видео» студэнта, які каяўся ў тым, што «распаўсюджаў звесткі, якія дыскрэдытуюць адміністрацыю і БРСМ». Прадстаўніца Святланы Ціханоўскай па праўных пытаннях Крысціна Рыхтэр лічыць гэта абуральным парушэннем фундаментальных правоў, што ляжаць у аснове ўсяго акадэмічнага шляху.
Крысціна Рыхтэр: «Студэнцтва – гэта час волі, самавыяўлення і творчасці. Гэта перыяд, калі маладыя розумы расквітаюць, напаўняючыся ідэямі, марамі і жаданнем фармаваць свет вакол сябе. Але не ў Беларусі Лукашэнкі.
У Беларусі Лукашэнкі ідэя пакутных відэа выбралася за сцены ГУБАЗіКа і аддзелаў міліцыі. Зараз нават не трэба быць падпісаным на «экстрэмісцкія» медыя, распаўсюджваць «экстрэмісцкія» матэрыялы ці выходзіць на маршы. Досыць проста не любіць БРСМ і выказвацца пра гэта, каб трапіць у інстаграм сваёй ВНУ з пакутным відэа.
Прымус студэнта да запісу відэа з'яўляецца абуральным парушэннем фундаментальных правоў, што ляжаць у аснове ўсяго акадэмічнага шляху. Гэта парушае волю выразу думак і забівае асяроддзе, патрэбнае для інтэлектуальнага ўзросту і даследавання. Прымушаючы студэнтаў запісваць такія відэа, рэжым спрабуе падавіць іх голас і перашкаджае развіццю крытычнага мыслення. Гэта абраза самой сутнасці студэнцтва – часу, калі цікаўнасць, незалежнае мысленне і адкрыты дыялог павінны шанавацца і заахвочвацца.
Я спадзяюся, што ў маладога чалавека з відэа ўсё добра. Спадзяюся, што гэты досвед не прымусіць яго замоўкнуць, перастаць думаць крытычна, задаваць пытанні і шукаць на іх адказы, нават калі яны будуць «нязручныя» сталым. Будучыня Беларусі – у нашых маладых людзях, а не ў тых, хто прымушае іх запісваць падобныя відэа».
