З'езд пройдзе ў анлайн-фармаце 16 студзеня. Разам са Святланай на ім выступяць канцлерка Нямеччыны Ангела Меркель, канцлер Аўстрыі Себасцьян Курц, кіраўніца Еўракамісіі Урсула фон дэр Ляен, прэзідэнт Еўрапейскай народнай партыі Дональд Туск і старшыня баварскай партыі ХСС Маркус Зёдэр.
Раней Германія ўжо падтрымала беларускі народ, пачала аказваць падтрымку адлічаным студэнтам і звольненым выкладчыкам. Нямецкія дэпутаты ўзялі шэфства над беларускімі палітвязнямі, а дыпламаты падтрымлівалі пратэстоўцаў на акцыях у Беларусі.