Сёння Святлана Ціханоўская сустрэлася з фракцыяй сацыял-дэмакратаў у літоўскім Сейме.
Ціханоўская падзякавала парламентарам за падтрымку беларускай грамадзянскай супольнасці і за тое, што літоўскі Сейм адкрыта і паслядоўна падтрымлівае беларусаў. Таксама Святлана Ціханоўская распавяла пра апошнія прысуды актывістам, рэпрэсіі супраць прафсаюзаў і пра беларускіх добраахвотнікаў ва Украіне.
Падчас сустрэчы абмеркавалі і дамовіліся працаваць:
– над пашырэннем працы парламенцкай групы «За дэмакратычную Беларусь»;
– над павелічэннем падтрымкі беларускіх партыяў, якія зведалі пераслед уладаў і рэпрэсіi;
– над арганізацыяй стажыровак для маладых беларусаў у літоўскім Сейме;
– над дэпутацкім апякунствам над палітвязнямі, колькасць якіх кожны дзень расце;
– над пашырэннем міжнароднай кампаніi ў падтрымку затрыманых лідараў прафсаюзаў.