Далучайцеся да Руху прама цяпер. Вось як гэта зрабіць.
#непадпарадкаванне
- Беларускія партызаны паспяхова правялі дыверсійную аперацыю на чыгунцы пад Барысавам.
- Светлагорскі завод спыніў сваю вытворчасць і звярнуўся да беларусаў.
- Жыхары Заводскага раёна выступаюць супраць вайны і размяшчаюць плакаты. Да іх таксама далучаюцца жыхары Чыжоўкі.
#падтрымкаўкраінцаўібеларусаў
- Сёння беларусы па ўсім свеце адзначалі Дзень Волі, а таксама выходзілі ў знак пратэсту вайны з Украінай.
- Святлана Ціханоўская перадала гуманітарную дапамогу для беларускага хаба «ПОБАЧ», які зараз дапамагае пацярпелым ад вайны.
- Фонд BYSOL даставіў электрычны генератар і груз медыцыны для дзіцячай бальніцы ў Чарнігаве.
- Добраахвотнікі батальёна Кастуся Каліноўскага прынялі прысягу і батальён увайшоў у склад узброеных сілаў Украіны.
- У Мінску прайшла жаночая акцыя, дзяўчаты выйшлі з парасонамі ў колерах украінскага сцяга.
- Дыяспары Ірландыі і Бельгіі арганізавалі ўжо 3-е адпраўленне амуніцыі для батальёна Кастуся Каліноўскага.
- Парламентарыі 10 краінаў працуюць над праграмай падтрымкі для беларускіх салдат, якія адмовяцца ваяваць супраць Украіны.
- Кавалеўскі, Лябедзька і Мацкевіч падчас візіту ва Украіну сустрэліся з беларусамі Кіева і абмеркавалі дапамогу Украіне.
- Беларускі ПЭН-цэнтр паведаміў, што на сённяшні дзень у іх, разам з іншымі ПЭН-цэнтрамі, атрымалася сабраць ужо больш за 36 тысяч еўра ў падтрымку ўкраінскіх дзеячаў культуры.
- Святлана Ціханоўская разам з Паўлам Латушкам і Таццянай Хоміч правяла сустрэчу з прэзідэнтам Польшчы і расказала пра Антываенны Рух.
- Дзеці намалявалі працы для беларускіх добраахвотнікаў, якія змагаюцца на баку Украіны, каб іх падтрымаць.
- Актывістка Святлана Кароль распавяла пра тое, як у Гомелі дапамагаюць украінцам.
- Лявон Вольскі і Якаб Валянштэйн выпусцілі песню «Слава Украіне».
#інфармацыйныфронт
- З'явілася новая беларуская газета «Lamant», у першым выпуску апублікаваныя артыкулы, прысвечаныя сітуацыі ва Украіне.
- Беларускі самвыдат працягвае распаўсюджваць улёткі і змагацца з прапагандай.
- Супольнасць «Честные люди» вядзе кампанію па звароце да беларускіх дэпутатаў супраць вайны.
- Прадстаўніца дыяспары беларусаў у Італіі «Supolka» Юлія Юхно-Тарасевіч выступіла на XIII Кангрэсе CISL і расказала пра тое, як беларусы дапамагаюць Украіне.
Кожны можа стаць чальцом Антываеннага Руху цяпер. Вось яго Маніфест.
