• Навіны
  • Офіс
  • Новая Беларусь
  • Партнёры
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Кантакты
  • Стратэгія дзеянняў на «Рэферэндуме» – ператварыць яго ў «вотум недаверу» рэжыму

    20 лістапада, 2021

    Усіх нязгодных з беззаконнем, якое захлынула нашу краіну, дэмакратычныя сілы заклікаюць далучыцца да стратэгіі дзеянняў на «Рэферэндуме», якую распрацавалі грамадзянскія ініцыятывы «Сумленныя людзі», Zubr, платформа «Голас» пры ўдзеле Офіса Святланы Ціханоўскай, Народнага антыкрызіснага кіравання і Каардынацыйнай рады.

    «Рэферэндум» запланаваны на пачатак 2022-га года. Гэтае мерапрыемства – злачынства і падман, якое мы, беларусы, ператворым у «вотум недаверу» рэжыму. «Сумленныя людзі», «Зубр», «Голас» заклікаюць прыходзіць на ўчасткі і рабіць бюлетэнь нядзейсным. Гэтае дзеянне азначае, што мы не згодныя з рэжымам і выступаем за ўсталяванне законнасці і стварэнне ўмоваў для правядзення сумленных выбараў.

    Як зрабіць бюлетэнь нядзейсным?

    – У дзень галасавання прыйсці на выбарчыя ўчасткі.
    – Паставіць крыжыкі насупраць усіх прапанаваных у бюлетэні варыянтаў.
    – Апусціць бюлетэнь у скрыню для галасавання.

    Падрабязнасці – у відэа. Што рабіць зараз?

    – Падзяліцеся гэтым відэа з сябрамі і блізкімі.
    – Абмяркоўвайце і абменьвайцеся думкамі пра стратэгію.

    Бо ніякая стратэгія не можа стаць паспяховай без дадатку энергіі, розуму і веры ў перамогу кожнага з нас, якімі б рознымі мы не былі. Кожнае меркаванне важнае і кожны досвед унікальны, кожны фармат і метад пратэсту дапамагае агульнай мэце. Толькі аб'яднаўшы нашыя сілы, мы атрымаем той вынік, якога хочам.

    Відэа таксама можна паглядзець тут.

    Апошнія навіны